Bizkaiko Foru Aldundiak «Horia da / Ez da horia» kanpaina abiarazi du, ontzi arinen birziklatzea bultzatzeko
BIZKAIKO FORU ALDUNDIA
Garbiker sozietate publikoak, Ingurune Naturala eta Nekazaritza Sustatzeko Sailaren barruan, ontzi arinak hobeto bereizi behar direla eta, kontzientzia zabaldu nahi du herritarren artean. Joan den ekitaldian, Bizkaiko ontzi arinen bilketak historiako maila gorenak lortu zituen. Gaur hasiko da kanpaina. Azoka ibiltari bat Bizkaiko 12 udalerritan ibiliko da, eta tailerrak eta antzerkia izango dira abuztuaren 30era arte. Horrekin batera, «Hondakin Go!» gailu mugikorretarako jokoa ere egingo da.
Funtsezkoa da ondo birziklatzea. Hori dela eta, Bizkaiko Foru Aldundiak, Ingurune Naturala eta Nekazaritza Sustatzeko Sailari atxikitako Garbiker sozietate publikoaren bidez, «Horia da/Ez da horia» kontzientziazio-kanpaina bultzatuko du, ontzi arinak hobeto bildu ditzagun eta gero eta akats gutxiago egin ditzagun ontziok bereizten.