Errendimendu energetikoa handitzea

Gaur egun, energia elektrikoa sortzen duten hiri-hondakinen balorizazio energetikorako instalazio modernoek (IM), oro har, % 23ko errendimendu garbia daukate, gutxi gorabehera.

Hala ere, Zabalgarbik, bertako diseinu berritzaileari esker –gasaren ziklo konbinatuko instalazioetako teknologia hondakinen balorizazio energetikoa prozesu bakar eta integratuan egiteko instalazio modernoetara egokitzea–, % 42ko errendimendu garbia lortzen du.

Errendimendu energetiko garbia

  • Hiri-hondakinen balorizazio energetikorako instalazioak = % 23
  • Zabalgarbi = % 42

Hobekuntza horrek Europar Batasuneko Thermie programaren –Europako Batzordeko XVII. Zuzendaritza– aintzatespena eta diru-laguntzarik handiena ekarri zituen, errendimendua, aurrezkia eta energia-eraginkortasuna handitzeagatik eta Zabalgarbik ingurumen-eraginik ez izateagatik.

Erregai fosiletan aurreztea eta sortutako KWh bakoitzeko CO2 isuriak murriztea

Hiri-hondakinak erregai fosilen ordezko gisa erabiltzeari esker eta instalazioak daukan errendimendu energetiko handiari esker, Zabalgarbik energia primario handia aurrezten du.

Energia primarioan aurrezten dena: % 47

Bestalde, instalazioan sartzen diren hiri-hondakinen zati berriztagarria –biomasa– % 63ra heltzen da, eta portzentaje hori EBn lortzen diren emaitzen antzekoa da.

Hondakinen zati berriztagarria: % 63

Hondakinen balorizazio energetikoak eta instalazioaren errendimenduak eta eraginkortasun osoak ere laguntzen dute sortutako KWh bakoitzeko atmosferara isurtzen den CO2 kopurua murrizten.

Sortutako kWh bakoitzeko ingurumen-eragina murriztea

Zabalgarbik daukan eraginkortasunari eta ingurumena babesteko ezarritako neurriei esker, sortutako elektrizitateko kilowatt-ordu bakoitzeko isurketak modu eraginkorrean murriztea ahalbidetzen duten instalazioetan sortzen da energia elektrikoa.

Murrizketa jarduera anizkun baten bidez lortzen da:

  • ganbaretako eta erregailuetako errekuntza kontrolatzeko neurriak.
  • errekuntzaren ondoriozko gasak arazteko sistema eraginkorrak.
  • teknologia oso eraginkorra.

Beste ezaugarri orokor batzuk

  • Funtzionamendu-baldintzak hobetzea, labe-galdaran korrosioa murriztuta; labe-galdaran sortutako lurrunaren tenperatura txikiagoa denez, murriztu egiten da haren erabilera- eta mantentze-kostua.
  • Instalazioa erabiltzeko aukerak eta baldintzak hobetzea. Hiri-hondakinak tratatzeko zerbitzuaren fidagarritasun handiagoa.
  • Zabalgarbiren instalazioaren tamainari esker, urtean 220.000-240.000 tona hiri-hondakin trata daitezke, eta 94 MW inguruko elektrizitate instalatu garbia sor daiteke aldi berean.
  • Hiri-hondakinen baliabideen, gasaren eta energiaren kudeaketa eta erabilera hobetzeak –sarbide erraza errepidetik, gasaren garraio-sarea, goi-tentsioa husteko azpiestazio elektrikoa…– aukera ematen du ekonomia- eta ingurumen-eraginak murrizteko.